Tomando a palavra: fevereiro 2005

Manipulaçom

Hoje olhando as notícias lembrei-me dumha das matérias que dera no meu ano de Erásmus. Chamava-se "English in the media", e, como o mesmo título di, falava sobre o inglês nos meios de comunicaçom. A verdade é que os critérios que se aplicavam à língua inglesa eram aplicáveis a qualquer língua do mundo. A causa da minha rememorizaçom (valha a palavra como neologismo, pois desconheço se a sua existência é válida na língua galega, mas dá igual) produziu-se ao olhar as notícias em dous canais diferentes entrementes comia. Houvo umha notícia que eu supujem era a mesma, mas que em ambos canais era tratada dum jeito diferente. Esta notícia, sobre um atentado no Iraque fazia que me entrasse umha risa nervosa ante o que o que um gostaria de dominar, mas nom pode. Como exemplo valha a definiçom de ambos canais para denominar o que está a acontecer lá: Num deles, isto era definido como "a invassom americana", no entanto, no outtro se definia como "o conficto" (conficto também é o conflicto lingüístico que existe na Galiza, ou mesmo político, e ainda assim nom morre gente). Em fim, nom vou dizer que canais eram nem vou pór mais exemplos porque vós sabedes mais ou menos de quem podo estar a falar, ademais de que mesmo o podedes olhar vós com os vossos próprios olhos. Olha ti que nunca pensei que umha matéria da carreira me podesse servir para fazer-me mais crítico, embora já o fosse, e nestas cousas já maquinava eu, mas possivelmente com menos luzidez.
Que nom nos fagam parvos, basta de borrices meiáticas!

sem comentários

Hoje, ao igual que onte, e suponho que ao igual que nos próximos três dias, estivem tomando uns algos por aí, o que me fixo rememorar velhos tempos de boas noites na cidade de Compostela. Em fim, escrevendo estas linhas baixo os efectos do alcóol nom tenho muito a dizer, o único que, como dizia o outro... Carpe Diem! ou mais bem, como potoalizava o outro.... CARPE NOCTEM!

Constituiçom Europeia

Como dim os políticos e gente da sociedade em geral: "Os 'espanhois' estamos chamados às furnas o próximo dia 20 ". Certo é, para ratificar ou nom um tratado para a constituiçom dumha constituiçom para a Uniom Europeia. Alguém leu o tratado enteiro? Bom, certo é que eu nom lim o 100%, crede-me que é bastante suporífero, cheio desses giros verbais que nem sequera eles entendem, a nom ser que lhe engadam umha cheia de anexos e dispossiçons derogatórias e caralhadas várias escritas com a mesma linguagem, que fam do mesmo um campo de minas inclusive para um lingüísta. De todos jeitos, e apesar de nom ter lido o tratado 100%, a minha capacidade crítica permiteme esbozar umhas grandes carências e excesos no texto que fai que a minha postura seja de carácter negativo ante tal referéndum. Por isso, e desde e minha humilde postura, pido um claro NOM À CONSTITUIÇOM EUROPEIA!

O que fai durmir toda a tarde

Nom vos perguntastedes muitas vezes grandes questons filossóficas quando estandes durmitando após umha muito copiosa comida? Isso foi o que me passou hoje, após comer, nom é que simplesmete durmitasse, mas durmim mais de três horas como se me tivesse erguido às 7:30 da manhá....ummm, é que me erguim às 7:30, em fim. A cousa é que se me ocorreram mais de 1000 cousas, todas elas dignas de engadir a este texto, mas tenho que comunicar que, como me passa com a maior parte dos meus sonhos, esquecim-me de todas elas. Já o dizia a minha companheira de piso, a masturbaçom produz falta de memória, nom tenho mais a dizer ao respeito.